ಪಿಂಚಣಿದಾರರಿಗೆ ಕೇರಳ ಸರಕಾರ ಮಾಡಿರುವ ಅನ್ಯಾಯದ ವಿರುದ್ಧ ಖಜಾನೆಗಳ ಮುಂಭಾಗ ಪ್ರತಿಭಟನೆ. ಕೇರಳ ರಾಜ್ಯ ಪಿಂಚಣಿದಾರರ ಸಂಘ ಮಂಜೇಶ್ವರ ಬ್ಲಾಕ್ ಕಮಿಟಿ ವತಿಯಿಂದ ಮಂಜೇಶ್ವರ ಖಜಾನೆಯಲ್ಲಿ ಧರಣಿ.

ಪಿಂಚಣಿದಾರರಿಗೆ ಕೇರಳ ಸರಕಾರ ಮಾಡಿರುವ ಅನ್ಯಾಯದ ವಿರುದ್ಧ ಖಜಾನೆಗಳ ಮುಂಭಾಗ ಪ್ರತಿಭಟನೆ. ಕೇರಳ ರಾಜ್ಯ ಪಿಂಚಣಿದಾರರ ಸಂಘ ಮಂಜೇಶ್ವರ ಬ್ಲಾಕ್ ಕಮಿಟಿ ವತಿಯಿಂದ ಮಂಜೇಶ್ವರ ಖಜಾನೆಯಲ್ಲಿ ಧರಣಿ.

ಮಂಜೇಶ್ವರ: ಪಿಂಚಣಿದಾರರಿಗೆ ಕೇರಳ ಸರಕಾರ ಮಾಡಿರುವ ಅನ್ಯಾಯದ ವಿರುದ್ಧ ಕೇರಳ ರಾಜ್ಯ ಪಿಂಚಣಿದಾರರ ಸಂಘದ ವತಿಯಿಂದ ರಾಜ್ಯಾದ್ಯಂತ ಪ್ರತಿಭಟನೆ ನಡೆಯುತ್ತಿದ್ದು, ಕೇರಳ ರಾಜ್ಯ ಪಿಂಚಣಿದಾರರ ಸಂಘ ಕಾಸರಗೋಡು ಜಿಲ್ಲಾ ಸಮಿತಿ ನೇತೃತ್ವದಲ್ಲಿ ಜಿಲ್ಲೆಯ ಖಜಾನೆಗಳ ಮುಂಭಾಗದಲ್ಲಿ ಇಂದು ಪ್ರತಿಭಟನೆಗಳು ನಡೆದವು. ಸಂಘಟನೆಯ ಮಂಜೇಶ್ವರ ಬ್ಲಾಕ್ ಕಮಿಟಿ ವತಿಯಿಂದ ಬೆಳಗ್ಗೆ ಮಂಜೇಶ್ವರ ಖಜಾನೆಯ ಮುಂಭಾಗದಲ್ಲಿ ನಡೆದ ಪ್ರತಿಭಟನೆಯನ್ನು ನಿವೃತ್ತ ಜಿಲ್ಲಾ ವಿದ್ಯಾಧಿಕಾರಿ ಟಿ. ನಾರಾಯಣ ಭಟ್ ಉದ್ಘಾಟಿಸಿದರು. ಅವರು ಮಾತನಾಡಿ ಕೇರಳ ಸರಕಾರ ತುಟ್ಟಿಭತ್ತೆ ವೇತನದ ಬಾಕಿಯನ್ನು ಅನುಮತಿಸಿ ಮೆಡಿಸೆಪ್ ಯೋಜನೆಯಲ್ಲಿನ ದೋಷಗಳನ್ನು ಸರಿಪಡಿಸಿಕೊಳ್ಳಬೇಕು. ಪಿಂಚಣಿದಾರರಿಗೆ ಸರ್ಕಾರ ಮಾಡಿರುವ ಅನ್ಯಾಯದ ವಿರುದ್ಧ ಕೇರಳ ರಾಜ್ಯ ಪಿಂಚಣೆದಾರರ ಸಂಘವು 1ರಿಂದ 7 ನವೆಂಬರ್ 2024 ರ ವರೆಗೆ ರಾಜ್ಯಾದ್ಯಂತ ಪ್ರತಿಭಟನಾ ವಾರವನ್ನು ಆಚರಿಸುತ್ತಿದೆ. ಜನವರಿ 2021 ರಿಂದ 2% ತುಟ್ಟಿಭತ್ತೆ ನೀಡಿದಾಗ 39 ತಿಂಗಳ ಬಾಕಿಯನ್ನು ಪ್ರೀಜ್ ಮಾಡಲಾಗಿದೆ ಮತ್ತು ಜುಲೈ 2021 ರಿಂದ 3% ತುಟ್ಟಿಭತ್ಯೆ ನೀಡಿದಾಗ 40 ತಿಂಗಳ ಬಾಕಿಯನ್ನು ಸ್ಥಗಿತಗೊಳಿಸಲಾಗಿದೆ. ಪ್ರತಿ ಚುನಾವಣೆಯಲ್ಲೂ ತುಟ್ಟಿಭತ್ತೆ ಘೋಷಣೆಯಾದಾಗ ಅಲ್ಲಿಯವರೆಗಿನ ಬಾಕಿ ಹಣ ಸ್ಥಗಿತಗೊಳ್ಳುತ್ತದೆ. ಈ ಮೂಲಕ ಪಿಂಚಣೆದಾರರು, ನೌಕರರು ಸಾಕಷ್ಟು ಹಣ ಕಳೆದುಕೊಳ್ಳುತ್ತಿದ್ದು, ಇದರ ವಿರುದ್ಧ ಆಡಳಿತ ಪರ ಸಂಘಟನೆಗಳು ಮೌನ ವಹಿಸಿವೆ. ಜನವರಿ 2021 ರಿಂದ ಸಪ್ಟೆಂಬರ್ 2024 ರ ವರೆಗೆ, ಸಾವಿರಾರು ಉದ್ಯೋಗಿಗಳು ಮತ್ತು ಪಿಂಚಿಣೆದಾರರಿಗೆ ಹಣ ಬಾಕಿ ಇದೆ. ಈ ಬಾಕಿಯಾದ ಹಣವನ್ನು ಕೇಳಿದಾಗ ಆರ್ಥಿಕ ಮುಗ್ಗಟ್ಟು ಎನ್ನುತ್ತಾರೆ. ಈ ಬಿಕ್ಕಟ್ಟಿಗೆ ಸರಕಾರದ ದುರಾಡಳಿತವೇ ಕಾರಣ ಹೊರತು ನೌಕರರು ಮತ್ತು ಪಿಂಚಣಿದಾರರಲ್ಲ. 28,000 ಕೋಟಿ ತೆರಿಗೆ ಸಂಗ್ರಹಿಸಬೇಕಿದೆ. ಪ್ರತ್ಯೇಕ ಸಚಿವರ ಸಹಕಾರದಿಂದ ಈ ಮೊತ್ತ ವಸೂಲಿಗೆ ಅಡ್ಡಿಯಾಗುತ್ತಿದೆ. ಕೇಂದ್ರ ಸರಕಾರ ಸಕಾಲದಲ್ಲಿ ಬಾಕಿ ಹಣ ಪಾವತಿಸಿದ್ದರೂ, ರಾಜ್ಯ ಸರಕಾರ ನೌಕರರ ಮತ್ತು ಪಿಂಚಣಿದಾರರ ಹಕ್ಕುಗಳನ್ನು ನಿರಾಕರಿಸುತ್ತಿದೆ. ಮೆಡಿಸೆಪ್ ಎಂಬುದು ಸರಕಾರದ ಯಾವುದೇ ಒಳಗೊಳ್ಳುವಿಕೆ ಇಲ್ಲದೆ ಜಾರಿಗೊಳಿಸಲಾದ ಯೋಜನೆಯಾಗಿದೆ. ನೌಕರರು ಮತ್ತು ಪಿಂಚಣಿದಾರರ ಪಾಲಿನಿಂದ 18% GST ಸರಕಾರದ ಶುಲ್ಕಗಳು ಅತ್ಯಂತ ಕಡಿಮೆ ಕುಟುಂಬ ಪಿಂಚಣಿದಾರರನ್ನೂ ಅವರ ಪಾಲಿನಿಂದಲೇ ಕಿತ್ತುಕೊಳ್ಳಲಾಗುತ್ತಿದೆ. ಯೋಜನೆಯಡಿ ಚಿಕಿತ್ಸಾ ಸೌಲ್ಯಭ್ಯಗಳೂ ಸೀಮಿತವಾಗಿದೆ. ನೌಕರರು ಮತ್ತು ಪಿಂಚಣಿದಾರರಿಗೆ ಹಾನಿಯುಂಟುಮಾಡುವ ಯಾವುದೇ ಎಚ್ಚರಿಕೆಯಿಲ್ಲದೆ ಅಂಗಾಂಗ ಕಸಿಗಳನ್ನು ಸರಕಾರಿ ಆಸ್ಪತ್ರೆಗಳಿಗೆ ಸೀಮಿತಗೊಳಿಸಲಾಗಿದೆ. ಒಂದಕ್ಕಿಂತ ಹೆಚ್ಚು ಅನಾರೋಗ್ಯದಿಂದ ಆಸ್ಪತ್ರೆಗೆ ಬರುವ ರೋಗಿಗಳ ಬೇರೆ ಬೇರೆ ಆಸ್ಪತ್ರೆಗಳನ್ನು ಅವಲಂಬಿಸಬೇಕಾಗಿದೆ. ಇಲ್ಲದಿದ್ದರೆ ಸ್ವಂತ ಖರ್ಚಿನಲ್ಲಿ ಚಿಕಿತ್ಸೆ ಪಡೆಯಬೇಕಾದ ಸ್ಥಿತಿ ಇದೆ. ನಿರಂತರ ಮನವಿ ಮಾಡಿದರೂ ಈ ದೂರುಗಳಿಗೆ ಇದುವರೆಗೆ ಪರಿಹಾರ ಕಂಡುಕೊಳ್ಳಲು ಸರಕಾರ ಸಿದ್ಧವಾಗಿಲ್ಲ ಎಂದು ಅವರು ಹೇಳಿದರು.

ಸಂಘಟನೆಯ ಮಂಜೇಶ್ವರ ಬ್ಲಾಕ್ ಸಮಿತಿ ಅಧ್ಯಕ್ಷ ವಿಘ್ನೇಶ್ವರ ಭಟ್ ಕೆದುಕೋಡಿ ಅಧ್ಯಕ್ಷತೆ ವಹಿಸಿದ್ದರು. ನಿವೃತ್ತ ಮುಖ್ಯೋಪಾಧ್ಯಾಯ ಅಶೋಕ್ ಬಾಡೂರು ಮುಖ್ಯ ಭಾಷಣ ಮಾಡಿದರು. ಈ ವೇಳೆ ಬಿಜೆಪಿ ರಾಜ್ಯ ಪರಿಷತ್ ಸದಸ್ಯ ಹರಿಶ್ಚಂದ್ರ ಮಂಜೇಶ್ವರ, ಬಿ.ಎಂ.ಎಸ್ ಮಂಜೇಶ್ವರ ವಲಯ ಸಮಿತಿ ಉಪಾಧ್ಯಕ್ಷ ಭಾಸ್ಕರ್ ಬಿ.ಎಂ ಸಭೆಯನ್ನುದ್ದೇಶಿಸಿ ಮಾತನಾಡಿದರು. ಸಂಘಟನೆಯ ಜಿಲ್ಲಾ ಉಪಾಧ್ಯಕ್ಷ ಶ್ರೀಧರ್ ರಾವ್ ಸ್ವಾಗತಿಸಿ, ಕಾರ್ಯದರ್ಶಿ ವೆಂಕಪ್ಪ ಶೆಟ್ಟಿ ವಂದಿಸಿದರು. ಪ್ರತಿಭಟನೆಯಲ್ಲಿ ಎಲ್ಲಾ ನೌಕರರು ಮತ್ತು ಪಿಂಚಣಿದಾರರು ಭಾಗವಹಿಸಿದರು.