ಪೈವಳಿಕೆ ಗ್ರಾಮ ಪಂಚಾಯತ್ ನಲ್ಲಿ ಹಣಕಾಸು ಸ್ಥಾಯಿ ಸಮಿತಿಗೆ ತಿಳಿಯದೆ ಬಿಲ್ ಪಾವತಿ. ಘಟನೆ ವಿರುದ್ಧ ಬಿಜೆಪಿ ಸದಸ್ಯರಿಂದ ಬೋರ್ಡ್ ಮೀಟಿಂಗ್ ಬಹಿಷ್ಕಾರ.

ಪೈವಳಿಕೆ ಪಂಚಾಯತ್ ನಲ್ಲಿ ಹಣಕಾಸು ಸ್ಥಾಯಿ ಸಮಿತಿಗೆ ತಿಳಿಯದೆ ಬಿಲ್ ಪಾವತಿ. ಘಟನೆ ವಿರುದ್ಧ ಬಿಜೆಪಿ ಸದಸ್ಯರಿಂದ ಬೋರ್ಡ್ ಮೀಟಿಂಗ್ ಬಹಿಷ್ಕಾರ.

ಪೈವಳಿಕೆ: ಪೈವಳಿಕೆ ಗ್ರಾಮ ಪಂಚಾಯತ್ ನಲ್ಲಿ ನಡೆಯುವ ಭ್ರಷ್ಟಾಚಾರ, ಹಾಗೂ ಸ್ವಜಾನಪಕ್ಷಪಾತ, ಹಾಗೂ ಉದ್ಯೋಗಸ್ತರ ಅಭಾವವನ್ನು ಖಂಡಿಸಿ ಬಿಜೆಪಿ ಜನಪ್ರತಿನಿಧಿಗಳು ಇಂದು ನಡೆಯಬೇಕಿದ ಬೋರ್ಡ್ ಮೀಟಿಂಗ್ ಬಹಿಷ್ಕಾರ ಮಾಡಿ ಪ್ರತಿಭಟಸಿದರು. ದಾರಿದೀಪಕ್ಕೆ ಇಟ್ಟ ಸುಮಾರು 32 ಲಕ್ಷ ರೂಪಾಯಿಗಳನ್ನು ಫೈನಾನ್ಸ್ ಸಮಿತಿಯ ಗಮನಕ್ಕೆ ಬಾರದೆ ಗುತ್ತಿಗೆ ದಾರನಿಗೆ ಮೊತ್ತವನ್ನು ನೀಡಿ ಭ್ರಷ್ಟಾಚಾರ ನಡೆಸಿರುವುದನ್ನು ವಿರೋಧಿಸಿ ಪೈವಳಿಕೆ ಪಂಚಾಯತ್ ನ ಬಿಜೆಪಿ ಜನಪ್ರತಿನಿಧಿಗಳು ಬೋರ್ಡ್ ಮೀಟಿಂಗ್ ಬಹಿಷ್ಕಾರ ಮಾಡಿದ್ದಾರೆ. ಅಲ್ಲದೇ ಕೂಡಲೇ ಕಾರ್ಯದರ್ಶಿಯ ನೇಮಕವಾಗಬೇಕು ಹಾಗೂ ಪಂಚಾಯತ್ ನಲ್ಲಿ ಉದ್ಯೋಗವಿರುವ AE ಅಭಾವ, ಕ್ಲಾರ್ಕ್ ಗಳ ಅಭಾವಗಳ ಬಗ್ಗೆ ಕೂಡಲೇ ನೇಮಕಾತಿ ಮಾಡಬೇಕೆಂದು ಸದಸ್ಯರು ಅಗ್ರಹಿಸಿದ್ದಾರೆ. ಬಿಜೆಪಿ ಜನಪ್ರತಿನಿಧಿಗಳು ಹಾಗೂ ನೇತಾರರಾದ ಮಾಜಿ ಪಂಚಾಯತ್ ಅಧ್ಯಕ್ಷರಾದ ಮಣಿಕಂಠ ರೈ, ಮಂಡಲ ಅಧ್ಯಕ್ಷ ಆದರ್ಶ ಬಿ.ಎಂ ಮುಖಂಡರಾದ ಲೋಕೇಶ್ ನೋಂಡ, ಸದಾಶಿವ ಚೇರಾಲ್, ಪ್ರವೀಣ್ ಚಂದ್ರ ಬಲ್ಲಾಳ್, ಸತ್ಯ ಶಂಕರ್ ಭಟ್, ಕೀರ್ತಿ ಭಟ್ ಮೊದಲಾದವರು ಘಟನೆಯನ್ನು ಖಂಡಿಸಿದ್ದಾರೆ.