ನಿನ್ನೆ ರಾತ್ರಿ ಮಂಗಲ್ಪಾಡಿಯಲ್ಲಿ ಎಂಟು ಮಂದಿ ಎಸ್ಡಿಪಿಐ ಕಾರ್ಯಕರ್ತರು ಅಧಿಕೃತವಾಗಿ ಕಾಂಗ್ರೆಸ್ ಪಕ್ಷಕ್ಕೆ ಸೇರಿದರು. ಅಡ್ಕ ನಿವಾಸಿಗಳಾದ ಕೆ.ಪಿ. ಮೊಹಮ್ಮದ್ ರಿಯಾಜ್, ಮೊಹಮ್ಮದ್ ಅರಾಫತ್, ಅಬ್ದುಲ್ ಅನಾಸ್, ಮೊಹಮ್ಮದ್ ಇರ್ಫಾನ್, ಮೊಹಮ್ಮದ್ ಅರ್ಝಾನ್, ಮೊಹಮ್ಮದ್ ಮುರ್ಶೀದ್, ಮೊಹಮ್ಮದ್ ಸಹದ್ ಹಾಗೂ ಅಬ್ದುಲ್ ಶಾ ಸೇರಿಕೊಂಡಿದ್ದಾರೆ.
ಬಂದ್ಯೋಡು ಕಾಂಗ್ರೆಸ್ ಕಚೇರಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಡಿಸಿಸಿ ಪ್ರಧಾನ ಕಾರ್ಯದರ್ಶಿ ಸೋಮಶೇಖರ ಜೆ.ಎಸ್. ಅವರು ಹಾರಾರ್ಪಣೆ ಮಾಡಿ ಅವರನ್ನು ಪಕ್ಷಕ್ಕೆ ಬರಮಾಡಿಕೊಂಡರು.
ಈ ಸಂದರ್ಭದಲ್ಲಿ ಡಿಸಿಸಿ ಕಾರ್ಯದರ್ಶಿ ಲಕ್ಷ್ಮಣ ಪ್ರಭು, ಮಂಡಲಾಧ್ಯಕ್ಷ ರಾಜೇಶ್ ನಾಯ್ಕ್, ಫಾರೂಖ್ ಸಿರಿಯ ಹಾಗೂ ಷಾಜಿ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.
ಹಿಂದೆ ಕಾಂಗ್ರೆಸ್ ಮಂಡಲಾಧ್ಯಕ್ಷರಾಗಿದ್ದ ಮನ್ಸೂರ್ ಅಲಿ ಕಂಡತ್ತಿಲ್ ಅವರು ಬಳಿಕ ಎಸ್ಡಿಪಿಐ ಸೇರಿದ್ದರೂ, ಇತ್ತೀಚೆಗೆ ವರ್ಕಾಡಿಯಲ್ಲಿ ನಡೆದ ಯುಡಿಎಫ್ ಸಮಾವೇಶದಲ್ಲಿ ಮರುಕಳಿಸಿ ಕಾಂಗ್ರೆಸ್ ಸೇರ್ಪಡೆಗೊಂಡಿದ್ದಾರೆ.
